भजे व्रजैकमण्डनं, समस्तपापखण्डनम् ।
सुभक्तचित्तरञ्जनं, सदैव नन्दनन्दनम् ।।१।।

 

सुपिच्छगुच्छमस्तकं, सुनादवेणुहस्तकम् ।
अनंग रंगसागरं, नमामि कृष्णनागरम् ।।२।।

गजेन्द्रमोक्षकारिणं, स्मितावलोकधारिणम् ।
महेन्द्रमानदारणं, नमामि कृष्णवारणम् ।।३।।

कदम्बपुष्पकुण्डलं, सुचारुगण्डमण्डलम् ।
व्रजांगनैकवल्लभं, नमामि कृष्णदुर्लभम् ।।४।।

मनोजगर्वमोचनं, विशालपद्मलोचनम् ।
सुपीतवस्त्रशोभनं, नमामि भालचन्दनम् ।।५।।

यशोदया समोदया, सकोपया कृपानिधिम् ।
उलूखले सुसंयुतं, नमामि लोकसम्मतम् ।।६।।

नवीनगोप-नागरं, नवीन केलि-सागरम् ।
नवीन मेघ सुन्दरं, भजे व्रजैकमन्दिरम् ।।७।।

समस्तगोपशोभनं, दृगम्बुजैक-लोभनम् ।
नमामि कुञ्जसत्कृतं, प्रसूनमालया युतम् ।।८।।

किरोरकान्तिरञ्जनं, सुशोभितं दृगञ्जनम् ।
दिने दिने नवं नवं, नमामि नन्दसम्भवम् ।।९।।

गुणाकरं सुखाकरं, कृपाकरं शुभाकरम् ।
सुरासुरासुदायकं, नमामि प्रेमनायकम् ।।१०।।

समस्तदोषशोषणं, समस्तभक्ततोषणम् ।
समस्तदासमानसं, नमामि कृष्णलालसम् ।।११।।

दृगन्तकान्तसायकं, निकामकामदायकम् ।
समस्तगोप नायकं, नमामि वेणुगायकम् ।।१२।।

महाभवाब्धितारकं, भवाब्धिकर्णधारकम्।
यशोमतीकिशोरकं, नमामि दुग्धचोरकम् ।।१३।।

समस्तमुग्धगोपिका-मनोजकाम दायकम् ।
नमामि भक्तर्-वर्द्धनं, दधिप्रियं जनार्दनम् ।।१४।।

सदैव पादपंकजं, मदीयमानसे निजम् ।
ददातु नन्दबालकः, समस्तभक्तपालकः ।।१५।।

निकुञ्जमञ्जुमाधुरीं, मिलिन्दवृन्दसुन्दरीम् ।
लभेयमिन्दिरास्तुतां, तथा कृपां विधीयताम् ।।१६।।

प्रमाणितं स्तवद्वयं, पठन्ति प्रातरुत्थिताः ।